महाराष्ट्र (मुबंई) दारूबंदी (वैद्यकीय तपासणी व रक्त परीक्षा) नियम १९५९
नियम ४
रक्त घेऊन ते पुढे पाठवण्याची रीत :
१) नोंदलेल्या वैद्यक व्यवसायीने, नियम ३ खाली त्याच्यासमोर हजर करण्यात आलेल्या व्यक्तीचे रक्त घेण्यासाठी सिरिंजचा वापर केला पाहिजे. सदर प्रयोजनासाठी वापरण्यापूर्वी ती सिरिंज उकळत्या पाण्यात टाकून निर्जंतुक केली पाहिजे. त्या वैद्यक व्यवसायीला अशा व्यक्तीच्या शरीराच्या ज्या भागातून रक्त काढून घ्यावयाचे असेल तेथील वरची त्वचा निर्जंतुक पाण्याने स्वच्छ करून पुसून कोरडी केली पाहिजे. त्या व्यक्तीच्या शरीरातून रक्त काढून घेताना कोणत्याही वेळी अल्कोहोलला स्पर्श करता कामा नये. तसेच त्याने त्या व्यक्तीच्या शरीरातून सिरिंजमध्ये ५ सी.सी. पेक्षा कमी नसेल इतके रक्त शिरेतून काढून घेतले पाहिजे. त्यानंतर, सिरिंजमध्ये जमा केलेले रक्त, ज्यामध्ये रक्त साकळण्यास प्रतिबंध करणारे व ते जतन करणारे द्रव्य असेल अशा छोट्या कुपीमध्ये घेतले पाहिजे आणि ते रक्त साकळण्यास प्रतिबंध करणारे व रक्त जतन करणारे द्रव्य रक्तामध्ये विरघळावे यासाठी ती कुपी जोराने हलवली पाहिजे.
२) उप-नियम (१) मद्ये नमुद केलेल्या रितीने कुपीमध्ये जमा केलेला रक्ताचा नमुना, ते रक्त जमा केलेल्या तारखेपासून सात दिवसांच्या आत परीक्षण अधिकाऱ्याकडे पोचवा म्हणून तो नमुना डाकेने किंवा खास दूताबरोबर त्या अधिकाऱ्याकडे पाठवला पाहिजे, त्यासोबत नमुना (ब) मधील अग्रेषण (फॉरवर्डिंग) पत्र असले पाहिजे. या अग्रेषण पत्रावर रक्ताचा नमुना सीलबंद करण्यासाठी वापरलेल्या मोहोरेची (सीलची) किंवा आद्याक्षर-आकृतीची (मोनोग्रामची) हुबेहुब नक्कल असली पाहिजे.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.