फौजदारी प्रक्रिया संहिता १९७३
प्रकरण ३५ :
गैरनियम (अनियमित) कार्यवाही :
कलम ४६० :
ज्यांमुळे कार्यवाही रद्दबातल होत नाही, अशा गैरनियम (अनियमित) बाबी :
जर कोणत्याही दंडाधिकाऱ्याला पुढीलपैकी, म्हणजे-
अ) कलम ९४ खाली झडती-वॉरंट काढणे;
ब) अपराधाचे अन्वेषण करण्यास कलम १५५ खाली पोलिसांना आदेश देणे;
क) कलम १७६ खाली मरणान्वेषण करणे;
ड) त्याच्या स्थानिक अधिकारितेतील ज्या व्यक्तीने अशा अधिकारितेच्या सीमांबाहेर अपराध केला असेल तिला गिरफदार करण्यासाठी कलम १८७ खाली आदेशिका काढणे;
ई) कलम १९० च्या पोटकलम (१) मधील खंड (अ) किंवा खंड (ब) खाली अपराधाची दखल घेणे;
फ) कलम १९२ च्या पोटकलम (२) खाली एखादा खटला सोपवणे;
ग) कलम ३०६ खाली माफी देणे;
ह) कलम ४१० खाली खटला परत मागवून स्वत: त्याची संपरीक्षा करणे;
आय) कलम ४५८ किंवा ४५९ खाली मालमत्तेची विक्री करणे.
यांपैकी कोणतीही एखादी गोष्ट करण्याचा अधिकार विधित: प्रदान झाला नसताना त्याने चुकीने सद्भावपूर्वक ती गोष्ट केली तर, त्याला असा अधिकार नव्हता एवढ्याच कारणावरून त्याची कार्यवाही रद्द ठरवण्यात येणार नाही.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.