भारतीय पुरावा अधिनियम १८७२
कलम १५९ :
स्मृतीला उजाळा देणे - दस्तऐवजाची प्रत केव्हा वापरता येईल :
साक्षीदाराची तपासणी चालू असताना, त्याला ज्या घडामोडीबाबत प्रश्न विचारले जातील ती घडण्याच्या वेळी किंवा त्यानंतर, जोवर ती त्याच्या स्मरणात ताजी राहिली असण्याचा संभव आहे असे न्यायालयाला वाटते इतक्या अल्पावधीतच त्याने स्वत: लिहून ठेवलेले लिखाण पाहून तो आपल्या स्मृतीस उजाळा देऊ शकेल.
इतर कोणत्याही व्यक्तीने लिहिलेले व साक्षीदाराने पूर्वोक्त कालावधीत वाचलेले असे कोणतेही लिखाण, त्याने ते ज्यावेळी वाचले त्या वेळी ते बरोबर असल्याचे त्याला माहीत असल्यास त्याला पाहता येईल.
स्वत:च्या स्मृतीला उजाळा देण्यासाठी साक्षीदाराला दस्तऐवजाची प्रत केव्हा वापरता येईल. ज्या ज्या बाबतीत साक्षीदाराला कोणताही दस्तऐवज पाहून आपल्या स्मृतीला उजाळा देता येईल त्या त्या बाबतीत, त्याला न्यायालयाच्या परवानगीने अशा दस्तऐवजाची प्रत पाहता येईल:
परंतु, मूळ लेख हजर न करण्यास पुरेसे कारण आहे याबाबत न्यायालयाचे समाधान झाले पाहिजे.
व्यावसायिक विवेचकग्रंथ पाहून तज्ज्ञाला स्वत:च्या स्मृतीला उजाळा देता येईल.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.