भारतीय दंड संहिता १८६० मराठी : (IPC 1860 Marathi)
१.(सन १८६० चा अधिनियम क्रमांक ४५)
(६ ऑक्टोबर १८६०)
प्रकरण १ :
प्रस्तावना:
प्रास्ताविका :
ज्याअर्थी २.(भारताकरिता) एक सर्वसाधारण दंड संहिता उपबंधित करणे समयोचित आहे; त्याअर्थी पुढीलप्रमाणे अधिनियमित करण्यात येत आहे :-
कलम १:
संहितेचे नाव व तिच्या प्रवर्तनाचा विस्तार :
या अधिनियमास भारतीय दंड संहिता असे म्हटले जाईल आणि त्याचा ३.(विस्तार ४. (****) संपूर्ण भारतभर राहील).
---------
१. भारतीय दंड संहिता हा अधिनियम वऱ्हाड विधि अधिनियम १९४१ (१९४१ चा ४) याद्वारे वऱ्हाडवर विस्तारित करण्यात आला आहे व
संथाळ परगण्यांमध्ये संथाळ परगणे जमाबंदी विनियम १८७२ (१८७२ चा ३) - कलम २ द्वारे ;
पंथ पिपलोदमध्ये पंथ पिपलोद विधि विनियम १९२९ (१९२९ चा १) - कलम २ व अनुसूची यांद्वारे;
खोंडमाळ जिल्ह्यामध्ये खोंडमाळ विधि विनियम १९३६ (१९३६ चा ४) - कलम ३ व अनुसूची यांद्वारे ; आणि
अंगुल जिल्ह्यामध्ये अंगुल विधि विनियम १९३६ (१९३६ चा ५) - कलम ३ व अनुसूची यांद्वारे;
अंमलात आल्याचे घोषित करण्यात आले आहे.
अनुसूचित जिल्हे अधिनियम १८७४ (१८७४ चा १४) - कलम ३ (क) खाली हा अधिनियम पुढील अनुसूचित जिल्ह्यांमध्ये अंमलात आल्याचे घोषित करण्यात आले आहे, ते म्हणजे संयुक्त प्रांत तराई जिल्हे- भारताचे राजपत्र १८७६ भाग १ ला पृष्ठ ५०५; हजारीबाग, लोहरदाग (आताचा रांची जिल्हा) - कलकत्ता राजपत्र १८९९ भाग १ ला पृष्ठ ४४ पहा; आणि मानभूम व परगणा दालभूम आणि सिंहभूम जिल्ह्यातील कोल्हाण- भारताचे राजपत्र १८८१ भाग १ ला पृष्ठ ५०४.
त्याच अधिनियमाच्या कलम ५ खाली हा अधिनियम लुशाई टेकड्यावर विस्तारित करण्यात आले आहे. - पहा भारताचे राजपत्र १८९८ भाग २ रा पृष्ठ ३४५.
१९६२ चा विनियम १२ - कलम ३ व अनुसूची यांद्वारे गोवा, दमण व दीव यांवर;
१९६३ चा विनियम ६ - कलम २ व अनुसूची १ ली यांद्वारे दादरा व नगरहवेली यांवर;
१९६३ चा विनियम ७ - कलम ३ आणि अनुसूची १ ली यांद्वारे पाँडेचेरीवर आणि १९६५ चा विनियम ८ कलम ३ आणि अनुसूची यांद्वारे लखदीव, मिनिकॉम व अमीनदीवी या बेटांवर हा अधिनियम विस्तारित करण्यात आला आहे.
२. क्रमश: अनुकूलन आदेश १९४८, अनुकूलन आदेश १९५० आणि १९५१ चा अधिनियम ३ - कलम ३ व अनुसूची यांद्वारे ब्रिटिश इंडियाकरिता या शब्दांऐवजी वरील शब्द घातले.
३. क्रमश: १८९१ चा अधिनियम १२ - कलम २ व अनुसूची १ ली, अनुकूलन आदेश १९३७, अनुकूलन आदेश १९४८ आणि अनुकूलन आदेश १९५० यांद्वारे मूळ शब्द वरीलप्रमाणे विशोधित करण्यात आलेले आहेत.
४. जम्मू व काश्मीर राज्य वगळता हे शब्द २०१९ चा अधिनियम ३४ कलम ९५ व परिशिष्ट ५ अन्वये वगळण्यात आले (३१-१०२०१९ पासून).
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.