भारतीय दंड संहिता १८६० मराठी : (IPC 1860 Marathi)
कलम १९ :
न्यायाधीश :
न्यायाधीश हा शब्द, न्यायाधीश म्हणून अधिकृतपणे नामनियुक्त केलेली व्यक्तीच केवळ नव्हे, तर याशिवाय जी जी व्यक्ती दिवाणी अगर फौजदारी अशा कोणत्याही कायदेशीर निर्णायक न्यायनिर्णय देऊ शकते, अगर त्यावर जर अपील केले गेले नाही, तर तो निर्णय निर्णायक होऊ शकेल असा न्यायनिर्णय किंवा जो एखाद्या अधिकाऱ्याने कायम केला तर निर्णायक होऊ शकेल असा पद्धतीने न्यायनिर्णय देण्यास कायदेशीर अधिकार असलेली व्यक्ती होय किंवा
असा न्यायनिर्णय देण्यास ज्या व्यक्तिनिकायाला विधित: अधिकार प्राप्त झालेला असेल त्या व्यक्ति निकायापैकी एक आहे अशी प्रत्येक व्यक्तीदेखील दर्शवतो.
उदाहरणे :
क) १८५९ चा अधिनियम १० याखालील दाव्यामध्ये अधिकारिता वापरणारा जिल्हाधिकारी हा न्यायाधीश होय.
ख) ज्या आरोपाबद्दल द्रव्यदंडाची किंवा कारावासाचची शिक्षा-मग त्यावर अपील होत असो वा नसो देण्याचा अधिकार आपणास आहे त्या आरोपाच्या संबंधात अधिकारिता वापरणारा दंडाधिकारी हा न्यायाधीश होय.
ग) १.(मद्रास विधि संहितेतील १८१६) चा विनिमय ७ वा याखालील दाव्यांची संपरीक्षा व निर्णय करण्याचा अधिकार असलेला पंचायतीचा सदस्य हा न्यायाधीश होय.
घ) ज्या आरोपाचे प्रकरण दुसऱ्या न्यायालयाकडे संपरीक्षार्थ पाठवण्याचाच केवळ अधिकार आपणांस आहे त्या आरोपाच्या संबंधात अधिकारिता वापरणारा अधिकारी हा न्यायाधीश नव्हे.
----------
१. मद्रास दिवाणी न्यायालये अधिनियम १८७३ (१८७३ चा ३) याद्वारे निरसित.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.