भारतीय दंड संहिता १८६० मराठी : (IPC 1860 Marathi)
कलम २११ :
क्षती (नुकसान) पोचवण्याच्या उदेशाने अपराधाचा खोटा दोषारोप करणे :
अपराधाचे वर्गीकरण :
अपराध : क्षती पोचवण्याच्या उद्देशाने अपराधाचा खोटा दोषारोप करणे.
शिक्षा :२ वर्षांचा कारावास किंवा द्रव्यदंड किंवा दोन्ही.
दखलपात्र / अदखलपात्र :अदखलपात्र.
जामीनपात्र / अजामीनपात्र :जामीनपात्र
शमनीय / अशमनीय : अशमनीय
कोणत्या नायालयात विचारणीय :प्रथम वर्ग दंडाधिकारी.
-------
अपराध : दोषारोप केलेला अपराध ७ वर्षे किंवा त्यापेक्षा अधिक कारावासाच्या शिक्षेला पात्र असल्यास.
शिक्षा :७ वर्षाचा कारावास व द्रव्यदंड .
दखलपात्र / अदखलपात्र :अदखलपात्र.
जामीनपात्र / अजामीनपात्र :जामीनपात्र
शमनीय / अशमनीय : अशमनीय
कोणत्या नायालयात विचारणीय :प्रथम वर्ग दंडाधिकारी.
-------
अपराध : दोषारोप केलेला अपराध देहांतदंड किंवा आजन्म कारावासाच्या शिक्षेला पात्र असल्यास.
शिक्षा :७ वर्षाचा कारावास व द्रव्यदंड
दखलपात्र / अदखलपात्र :अदखलपात्र.
जामीनपात्र / अजामीनपात्र :जामीनपात्र
शमनीय / अशमनीय : अशमनीय
कोणत्या नायालयात विचारणीय :सत्र न्यायालय.
-------
जो कोणी एखाद्या व्यक्तीला क्षती (नुकसान) पोचवण्याच्या उद्देशाने, त्या व्यक्तीविरुध्द फौजदारी कार्यवाही करण्यास अगर त्या व्यक्तीने अपराध केलेला आहे असा दोषारोप करण्यास न्याय्य किंवा कायदेशीर कारण नाही हे माहीत असून ,त्या व्यक्तीविरुध्द अशी कोणतीही कार्यवाही सुरु करील किंवा सूरु करवील अथवा त्या व्यक्तीवर असा खोटा दोषारोप करील त्याला दोन वर्षेपर्यंत असू शकेल इतक्या मुदतीची ,कोणत्यातरी एका वर्णनाच्या कारावासाची शिक्षा , द्रव्यदंडाची किंवा दोन्ही शिक्षा होतील.
आणि जर मृत्युच्या , १.(आजन्म कारावासाच्या) किंवा सात वर्षे अगर त्याहून अधिक (जास्त) मुदतीच्या कारावासाच्या शिक्षेस पात्र अशा अपराधाच्या खोटया दोषारोपावरुन अशी फौजदारी कार्यवाही सुरु करण्यात आली तर ,त्याला सात वर्षेपर्यंत असू शकेल इतक्या मुदतीची कोणत्यातरी एका वर्णनाच्या कारावासाची शिक्षा होईल आणि तो द्रव्यदंडासही पात्र होईल .
--------
१. १९५६ चा अधिनियम २६ - कलम ११७ व अनुसूची यांद्वारे जन्मठेप / काळे पाणी याऐवजी समाविष्ट करण्यात आले.
INSTALL IOS / Iphone App
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.