साथरोग अधिनियम १८९७
कलम २ :
१.(घातक साथ रोगांबाबत विशेष उपाययोजना करण्याची आणि निर्बंध विहित करण्याची शक्ती :
१) जेव्हा २.(राज्य शासनाची) कोणत्याही वेळी अशी खात्री झाली असेल की, ३.(राज्यात) किंवा त्याच्या कोणत्याही भागात कोणत्याही घातक अशा साथीच्या रोगाचा प्रादुर्भाव झालेला आहे किंवा असा प्रादुर्भाव होण्याचा धोका निर्माण झालेला आहे, आणि त्या त्या वेळी अंमलात असलेल्या कायद्याचे सर्वसाधारण उपबंध है, अशा रोगाच्या प्रादुर्भावास किंवा त्याच्या प्रसारास प्रतिबंध करण्यास अपुरे आहेत असे ४.(त्यास) वाटत असेल तेव्हा, ५.(राज्य शासन) अशा प्रादुर्भावास किंवा प्रसारास प्रतिबंध करण्यासाठी ४.(त्यास) आवश्यक वाटतील त्या उपाययोजना स्वत: करु शकेल किंवा एखाद्या व्यक्तीस तसे करण्यास फर्मावू शकेल अगर तिला तसे करण्याची शक्ती देऊ शकेल आणि जाहीर नोटिशीद्वारे आवश्यक वाटतील असे तात्पुरते निर्बंध विहित करुन, जनतेने किंवा कोणत्याही व्यक्तीने किंवा कोणत्याही वर्गातील व्यक्तीने त्यांचे पालन के ले पाहिजे असे फर्मावू शकेल, आणि तसेच झालेला खर्च (भरपाईची रक्कम असेल तर अशी रक्कम धरुन) कशा रीतीने व कोणाकडून भागवण्यात येईल ते ठरवून देऊ शकेल.
२) विशेषेकरुन आणि पूर्वगामी उपबंधांच्या व्यापकतेस बाध न येता ६.(राज्य शासनास) पुढील गोष्टींसाठी उपाययोजना करता येतील आणि निर्बंध विहित करता येतील :-
क) ७.(*)
ख) रेल्वेने किंवा अन्य प्रकारे प्रवास करणाऱ्या व्यक्तींची तपासणी करणे, आणि ज्या व्यक्ती अशा कोणत्याही रोगामुळे संसर्गदूषित झाल्या आहेत असा निरीक्षक अधिकाऱ्याला संशय असेल, त्या व्यक्तींना रुग्णालयात, तात्पुरत्या जागेत किंवा अन्यत्र वेगळे ठेवणे;
८.(*)
---------
१. या कलमान्वये काढण्यात आलेल्या अधिसूचनांसाठी निरनिराळे स्थानिक नियम व आदेश पहावेत.
२. अनुकूलन आदेश १९३७ द्वारे (गव्हर्नर जनरल-इन-कौन्सिलची) या मजकुराऐवजी हा मजकूर दाखल करण्यात आला.
३. अनुकूलन आदेश १९३७ द्वारे (भारतात) या शब्दाऐवजी हा शब्द दाखल करण्यात आला.
४. अनुकूलन आदेश १९३७ द्वारे (तो) या शब्दाऐवजी हा शब्द दाखल करण्यात आला.
५. अनुकूलन आदेश १९३७ द्वारे (गव्हर्नर जनरल-इन-कौन्सिल) या मजकुराऐवजी हा मजकूर दाखल करण्यात आला.
६. अनुकूलन आदेश १९३७ द्वारे (गव्हर्नर जनरल-इन-कौन्सिलला) या मजकुराऐवजी हा मजकूर दाखल करण्यात आला.
७. अनुकूलन आदेश १९३७ द्वारे खंड (क) वगळण्यात आला.
८. १९२० चा अधिनियम ३८ कलम २ व अनुसूची एक याद्वारे पोटलकम (३) वगळण्यात आले.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.