महाराष्ट्र रॅगिंग करण्यास मनाई करणे अधिनियम १९९९
कलम २ :
व्याख्या :
या अधिनियमास संदर्भानुसार दुसरा अर्थ अपेक्षित नसेल तर, -
(क) शैक्षणिक संस्था याचा अर्थ तीमध्ये शिक्षण देण्याचे (केवळ तेच किंवा इतर कार्याबरोबर) कार्य करणारे महाविद्यालय किंवा कोणत्याही नात्याने संबोधण्यात येणारी अन्य संस्था असा आहे आणि त्यात त्यांचा समावेश होतो; आणि तिच्याशी संलग्न असलेले अनाथालय, निवासगृह किंवा वसतिगृह किंवा पाठनिर्देश संस्था किंवा कोणतीही अन्य जागा यांचा त्यात समावेश होतो;
(ख) शैक्षणिक संस्थेचा प्रमुख याचा अर्थ विद्यापीठाचा कुलगुरू, वैद्यक विद्याशाखेचा अधिष्ठता, संस्थेचा संचालक किंवा प्राचार्य, मुख्याध्यापक किंवा शैक्षणिक संस्थेच्या व्यवस्थापनास जबाबदार असणारी व्यक्ती असा आहे;
(ग) रॅगिंग या संज्ञेचा अर्थ, ज्यामुळे कोणत्याही शैक्षणिक संस्थेतील विद्याथ्र्यास शारीरिक किंवा मानसिक हानी पोहोचत असेल किंवा पोहोचण्याची शक्यता असेल किंवा त्याच्यात धास्तीची किंवा भयाची अथवा लज्जेची किंवा अडचणीत आल्याची भावना निर्माण होत असेल असे गैरवर्तणुकीचे प्रदर्शन करणे किंवा असे कोणतेही कृत्य करणे असा आहे आणि त्यामध्ये, पुढील गोष्टींचा समावेश होतो :-
(एक) अशा विद्याथ्र्याला चिडवणे, शिवीगाळ करणे, धमकी देणे किंवा त्याच्या खोड्या काढणे, किंवा मनाला टोचेल असे बोलणे; किंवा (दोन) असा विद्यार्थी, सर्वसामान्यपणे जे कृत्य किंवा जी गोष्ट स्वेच्छेने करणार नाही असे कृत्य किंवा अशी गोष्ट त्यास करावयास सांगणे.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.