ध्वनि प्रदूषण (नियमन व नियंत्रण) नियम २०००
नियम ३ :
विविध क्षेत्रांसाठी/प्रक्षेत्रांसाठी ध्वनिच्या बाबतीत सभोवतालच्या हवेचा गुणवत्तेचा दर्जा (गुणवत्तामान):
(१) विविध क्षेत्रांसाठी/प्रक्षेत्रांसाठी ध्वनिच्या बाबतीत सभोवतालच्या हवेचा गुणवत्तेचा दर्जा (गुणवत्तामान), या नियमांस जोडलेल्या अनुसूचीमध्ये विनिर्दिष्ट केल्याप्रमाणे असेल;
(२) राज्य शासन, विविध क्षेत्रांसाठी ध्वनिच्या दर्जाची अंमलबजावणी करण्याच्या प्रयोजनार्थ, क्षेत्रांची औद्योगिक, वाणिज्यिक, निवासी किंवा शांतता क्षेत्रे/प्रक्षेत्रे यांमध्ये वर्गवारी करील.
(३) राज्य शासन, वाहनांची हालचाल (वाहनांचे भोंगे वाजविणे, आवाज करणे, फटाके फोडणे, ध्वनिक्षेपकाचा किंवा जन संबोधन यंत्रणेचा वापर करणे आणि ध्वनि उत्पन्न करणाऱ्या उपसाधनांचा (वाद्यांचा वापर करणे) यातून उद्धवणाऱ्या ध्वनिसह ध्वनीचे अपक्षमण करण्यासाठी उपाययोजना हाती घेईल आणि अस्तित्वात असणारी ध्वनीची पातळी या नियमांन्वये विनिर्दिष्ट केलेल्या सभोवतालच्या हवेचा गुणवत्ता दर्जापेक्षा (गुणवत्तामानापेक्षा) अधिक होणार नाही याची खात्री करील.
(४) सर्व विकास प्राधिकारणे, स्थानिक संस्था व अन्य संबंधित प्राधिकरणे, विकास कार्यक्रमाचे नियोजन करतेवेळी किंवा नगरासाठी किंवा देशासाठी नियोजनाशी संबंधित असणारी कामे करतेवेळी, ध्वनिचे संकट टाळण्यासाठी आणि ध्वनिच्या बाबतीत सभोवतालच्या हवेच्या गुणवत्तेचा दर्जा (गुणवत्तामान) टिकवून ठेवण्याचे उद्दिष्ट साध्य करण्यासाठी दर्जेदार जीवनाचा एक मापदंड म्हणून ध्वनि प्रदूषणाचे सर्व पैलू विचारात घेईल.
(५) रूग्णालये, शैक्षणिक संस्था व न्यायालये यांच्या सभोवतालचे १०० मीटरपेक्षा कमी नसेल इतके व्याप्त क्षेत्र, या नियमांच्या प्रयोजनासाठी शांतता क्षेत्र/प्रक्षेत्र म्हणून घोषित करता येईल.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.