लैंगिक अपराधांपासून बालकांचे संरक्षण नियम २०१२
नियम ७ :
नुकसानभरपाई :
१) विशेष न्यायालयाला, समुचित प्रकरणांमध्ये, स्वत:हून किंवा बालकाने किंवा बालकाच्या वतीने दाखल केलेल्या अर्जावरून प्राथमिक माहिती अहवालाची नोंद केल्यानंतर कोणत्याही टप्प्यावर साहाय्य करण्यासाठी किंवा त्याचे पूनर्वसन करण्यासाठी बालकाच्या गरजा तातडीने पूर्ण करण्याकरिता अंततिम नुकसानभरपाईचा आदेश देता येईल. बालकाला दिलेल्या अशा नुकसानभरपाईचे, अंतिम नुकसानभरपाई दिली असल्यास त्यामध्ये समायोजन करण्यात येईल.
२) विशेष न्यायालयाल, स्वत:हून किंवा बळी पडलेल्या बालकाने किंवा त्याच्या वतीने दाखल केलेल्या अर्जावरून जेथे आरोपी सिद्धापराधी ठरला असेल किंवा जेथे खटल्याची समाप्ती दोषमुक्तीने किंवा आरोपमुक्तीने झाली असेल तेथे किंवा आरोपीचा शोध लागत नसेल किंवा तो ओळखता येत नसेल तेथे आणि विशेष न्यायालयाच्या मते, त्या अपराधाचा परिणाम म्हणून बालकाला नुकसान किंवा इजा सोसावी लागली असेल तेथे नुकसानभरपाई देण्याची शिफारस करता येईल.
३) विशेष न्यायालय, अधिनियमाच्या कलम ३३ चे पोट-कलम८) तसेच फौजदारी प्रक्रिया संहितेचे कलम ३५७ अ ची पोट-कलमे २) व ३) याअन्वये बळी पडलेल्या बालकाला नुकसानभरपाई देण्याचा निदेश देत असेल तेथे ते न्यायालय, पुढील बाबींसह, बळी पडलेल्या बालकाला सोसाव्या लागलेल्या नुकसानीच्या किंवा इजेच्या बाबतीतील सर्व संबंधित घटक विचारात घेईल.
एक) अत्याचाराचा प्रकार, अपराधाची तीव्रता आणि बालकाला सहन कराव्या लागलेल्या मानसिक किंवा शारीरिक दुखापतीची किंवा इजेची प्रखरता;
दोन) शारीरिक आणि / किंवा मानसिक आरोग्यसाठी त्याच्या वैद्यकीय उपचारावर केलेला किंवा करावयाचा खर्च;
तीन) मानसिक आघात, शारीरिक इजा, वैद्यकीय उपचार, अपराधाचा तपास व न्यायचौकशी किंवा इतर कोणतेही कारण यामुळे शाळेतील अनुपस्थितीसह अपराधाचा होणारा परिणाम म्हणून शैक्षणिक संधीचे नुकसान;
चार) मानसिक आघात, शारीरिक इजा, वैद्यकीय उपचार, अपराधाचा तपास व न्यायचौकशी किंवा इतर कोणतेही कारण यामुळे रोजगाराच्या ठिकाणावरील अनुपस्थितीसह अपराधाचा होणारा परिणाम म्हणून रोजगाराचे नुकसान;
पाच) बालकाचे अपराधी व्यक्तीशी असलेले नाते, कोणतेही असल्यास;
सहा) अत्याचार ही केवळ एकदाच घडलेली घटना होती किंवा अत्याचार बऱ्याच काळापासून घडत होता.
सात) अपराधाचा परिणाम म्हणून बालिका गर्भवती झाली आहे काय?
आठ) अपराधाचा परिणाम म्हणून लैंगिक संक्रमित रोगाची बाधा बालकाला झाली आहे काय?
नऊ) अपराधाचा परिणाम म्हणून बालकाला एचआयव्हीची बाधा झाली आहे काय?
दहा) अपराधाचा परिणाम म्हणून बालकामध्ये निर्माण झालेली कोणतीही विकलांगता;
अकरा) बालकाचे पुनर्वसन करण्यासाठी त्याची गरज निर्धारित करता यावी म्हणून ज्याच्या विरूद्ध अपराध करण्यात आला आहे अशा बालकाची आर्थिक स्थिती;
बारा) विशेष न्यायालयाला इष्ट वाटेल असा इतर कोणताही घटक.
४) विशेष न्यायालयाने निवाडा दिलेली नुकसान भरपाई ही फौजदारी प्रक्रिया संहितेच्या कलम ३५७ अ अन्वये किंवा त्यावेळी अमलात असलेल्या इतर कोणत्याही कायद्यान्वये नुकसानभरपाई देण्याच्या किंवा पुनर्वसन करण्याच्या प्रयोजनासाठी राज्य शासनाने स्थापन केलेल्या पीडित भरपाई निधी किंवा इतर योजना किंवा निधी यामधून राज्य शासनाने किंवा जेथे अशी योजना किंवा निधी अस्तित्त्वात नसेल तेथे राज्य शासनाने प्रदान करावयाची आहे.
५) राज्य शासन, विशेष न्यायालयाने आदेश दिलेली नुकसानभरपाई असा आदेश प्राप्त झाल्यापासून ३० दिवसांच्या अता देईल.
६) या नियमातील कोणत्याही गोष्टीमुळे, बालक किंवा त्याचे मातापिता किंवा पालक किंवा बालक ज्याच्यावर विश्वास ठेवते किंवा त्याला ज्याच्याबद्दल आत्मविश्वास वाटतो अशी इतर कोणताही व्यक्ती यांना केंद्रसरकारच्या किंवा राज्य शासनाच्या इतर कोणत्याही नियमांखाली किंवा योजनेतून साहाय्य मागण्यासाठी अर्ज सादर करण्यापासून प्रतिबंध केला जाणार नाही.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.