रेल्वे अधिनियम, १९८९
कलम १२८ :
विवक्षित अधिकारांसंबंधातील व्यावृत्ती :
१) कलम १२४ १.(किंवा कलम १२४-क) अन्वये भरपाईची हक्कमागणी करण्याचा कोणत्याही व्यक्तीच्या अधिकारांचा, कामगार भरपाई अधिनियम, १९२३ (१९२३ चा ८) किंवा त्या काळापुरता अंमलात असलेला कोणताही कायदा या अन्वये भरपाई वसूल करण्याच्या अशा कोणत्याही व्यक्तीच्या अधिकारावर परिणाम होणार नाही; परंतु एकाच अपघाताबाबत एकाहून अधिक वेळा भरपाईची मागणी करण्यास कोणतीही व्यक्ती हक्कदार असणार नाही.
२) मृत्यू किंवा व्यक्तिगत क्षती किंवा संपत्तीचे नुकसान यासाठी भरपाई देण्याची तरतूद करणारी कोणतीही संविदा किंवा योजना या अन्वये प्रदेय भरपाई किंवा कोणत्याही विमा पॉलिसीअन्वये प्रदेय कोणतीही रक्कम याची हक्कमागणी करण्याच्या कोणत्याही व्यक्तीच्या अधिकारावर, पोटकलम (१) मधील कोणत्याही गोष्टीचा परिणाम होणार नाही.
---------
१. १९९४ चा अधिनियम २८ कलम ६ द्वारे समाविष्ट करण्यात आले.
#Railway #Act 1989 #Marathi Section 128
Section 128 Railway Act 1989 in Marathi.
INSTALL Android APP
For Full Access Purchase Paid MemberShip : Price -150 / Yearly.
संपूर्ण अॅक्सेस साठी पेड मेंबर व्हा.
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.