रेल्वे अधिनियम, १९८९
कलम २२ :
रेल्वे चालू करण्यास मंजुरी देण्यापूर्वी औपचारिक गोष्टींचे अनुपालन करणे :
१) केंद्र शासन, कलम २१ अनुसार रेल्वे चालू करण्यास त्याची मंजुरी देण्यापूर्वी, आयुक्ताकडुन पुढील अहवाल मिळवील ते म्हणजे, :-
क) त्याने त्या रेल्वेमार्गाचे आणि त्यावर वापरण्यात येईल अशा रुळयानाचे काळजी पूर्वक निरीक्षण केलेले आहे;
ख) केंद्र शासनाने निर्धारित केलेल्या बदलत्या व ठराविक आकामानाचे उल्लंघन करण्यात आलेले नाही;
ग) रेल्वेमार्ग संरचना, पुलाची मजबुती, बांधकामाचे सर्वसाधारण संरचनात्मक स्वरुप आणि कोणत्याही रुळयानाच्या अक्षदंडाचे आकारमान व त्यावरील एकूण कमाल भार याबाबत केंद्र शासनाने घालून दिलेल्या आवश्यकतांचे पालन केलेले आहे; आणि
घ) त्याच्या मते, रेल्वेचा वापर करत असलेल्या लोकांना कोणताही धोका पोचणार नाही अशा प्रकारे प्रवाशांच्या सार्वजनिक वहनाकरिता ती चालू करणे शक्य आहे.
२) जर आयुक्ताचे असे मत असेल की, रेल्वेचा वापर करणाऱ्या जनतेला कोणताही धोका न पोचता ती चालू करणे अशक्य आहे तर, केंद्र शासनाने मंजुरी देण्यापूर्वी, तो आपल्या अहवालात त्याबद्दलची कारणे ज्यांचे पालन करावयाचे असेल त्या आवश्यक गोष्टी नमूद करील.
३) केंद्र शासन, आयुक्ताच्या अहवालावर विचार केल्यानंतर रेल्वे ज्या स्थितीत आहे त्याच स्थितीत किंवा सार्वजनिक सुरक्षिततेच्या दृष्टीने त्याला आवश्यक वाटतील अशा शर्तींच्या अधीनतेने रेल्वे चालू करण्यास कलम २१ अन्वये मंजुरी देऊ शकेल.
#Railway #Act 1989 #Marathi Section 19
Section 19 Railway Act 1989 in Marathi.
INSTALL Android APP
For Full Access Purchase Paid MemberShip : Price -150 / Yearly.
संपूर्ण अॅक्सेस साठी पेड मेंबर व्हा.
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.