भारतीय पुरावा अधिनियम १८७२
कलम ९२ :
तोंडी कराराचा पुरावा वगळणे :
मालमत्तेच्या अशा कोणत्याही संविदेच्या, देणगीच्या किंवा अन्य संपत्तिव्यवस्थेच्या तरतुदी किंवा दस्तऐवजाच्या रूपात लेखनिविष्ट करणे कायद्याने आवश्यक आहे अशी कोणतीही बाब लगतपूर्व कलमानुसार शाबीत झाल्यास, त्या तरतुदींच्या विरूद्ध असणारे. त्यात बदल करणारे, त्यात काही घालणारे किंवा त्यातून काही कमी करणारे असे काहीतरी शाबीत करण्यासांी अशा कोणत्याही संलेखातील पंक्षांच्या दरम्यामन किंवा त्यांच्या हितसंबंध-प्रतिनिधींच्या दरम्यान, कोणत्याही तोंडी कराराचा किंवा कथनाचा पुरावा स्वीकृत केला जाणार नाही:
परंतुक १) ज्या कोणत्याही तथ्यामुळे कोणताही दस्तऐवज विधिबाह्य होऊ शकेल किंवा कोणत्याही व्यक्तीला त्यासंबंधीचा कोणताही हुकूमनामा किंवा आदेश मिळवण्याचा हक्क प्राप्त होऊ शकेल ते तथ्य शाबीत करता येईल; उदाहरणार्थ-कपट, धाकदपटशा, अवैधता, यथायोग्य निष्पादनाचा अभाव, संविदा करणाऱ्या कोणत्याही पक्षांच्या ठायी क्षमतेचा अभाव, प्रतिफलाचा (अभाव किंवा त्याची निष्फळता) अथवा तथ्यविषयक किंवा कायदेविषयक चूकभूल.
परंतुक २) - दस्तऐवजात जी बाब अनुल्लेखित आहे व जी त्याच्या तरतुदींशी विसंगत नाही अशा कोणत्याही बाबीसंबंधीच्या कोणत्याही स्वतंत्र तोंडी कराराचे अस्तित्व शाबीत करता येईल. हे परंतुक लागू होते किंवा नाही याचा विचार करताना न्यायालय तशा प्रकारच्या दस्तऐवजाच्या बाबतीत ती उपचाराची बाब कितीशी अपेक्षित आहे ते लक्षात घेईल.
परंतुक ३) अशा कोणत्याही ंविदेखाली, देणगीखाली किंवा संपत्तिव्यवस्थेखाली लागू होणाऱ्या कोणत्याही आबंधनाची पूर्ववर्ती शर्त असलेल्या कोणत्याही स्वतंत्र तोंडी कराराचे अस्तित्व शाबीत करता येईल.
परंतुक ४) अशी कोणतही संविदा, देणगी किंवा संपत्तिव्यवस्था लेखी असणे कायद्याने आवश्यक असले किंवा दस्तऐवजांच्या नोंदणीसंबंधी त्या त्या काळी अमलात असलेल्या कायद्यानुसार त्यांची नोंदणी करण्यात आली असेल ती प्रकारणे खेरीजकरून इतर बाबतींत, अशी संविदा, देणगी किंवा संपत्तिव्यवस्था रद्द करण्यासाठी किंवा तीत बदल करण्यासाठी मागाहून झालेल्या कोणत्याही स्वतंत्र तोंडी कराराचे अस्तित्व शाबीत करता येईल.
परंतुक ५) कोणत्याही संविदेत स्पष्टपणे नमूद न केलेली आनुषंगिके ज्या कोणत्याही परिपाठानुसार किंवा रूढीनुसार बहुश: त्या प्रकारच्या संविदांशी अनुबद्ध असतात ती शाबीत करता येतील:
परंतु, अशी आनुषांगिक तरतूद अनुबद्ध करणे हे संविदेच्या स्पष्ट तरतुदींना प्रतिकूल किंवा त्यांच्याशी विसंगत असता कामा नये.
परंतुक ६) दस्तऐवजाची भाषा विद्यमान तथ्यांशी कशा रीतीने संबंधित आहे हे दाखविणारे कोणतेही तथ्य शाबीत करता येईल.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.