महाराष्ट्र (मुंबई)दारूबंदी अधिनियम १९४९
कलम ८६
ह्या अधिनियमात खालील अपराध करण्यासाठी कोणतीही जागा वापरण्याची परवानगी देण्याबद्दल शिक्षा :
१) जी कोणतीही व्यक्ती, कोणत्याही जागेची मालक किंवा तिचा भोगवटा करणारी अगर वापर करणारी किंवा तिच्यावर देखरेख ठेवणारी अगर तिची व्यवस्था पाहणारी किंवा तिच्यावर qनयत्रण ठेवणारी असून, ह्या अधिनियमान्वये शिक्षापात्र असलेला कोणताही अपराध इतर कोणत्याही व्यक्तीकडून करण्यासाठी अशा जागेचा वापर करण्याची जाणूनबुजून परवानगी येईल,
तिला अपराधसिद्धीनंतर,-
एक) जर तो अपराध पूर्णत: दारुबंदी असलेल्या क्षेत्राखेरीज इतर क्षेत्रात केलेला असेल तर, अशा प्रत्येक अपराधाबद्दल सहा महिन्यांपर्यंत वाढविता येईल इतकया मुदतीच्या कारावासाची किंवा दहा हजार रुपयांपर्यंत वाढविता येईल इतक्या द्रव्यदंडाची शिक्षा होईल किंवा या दोन्ही शिक्षा होतील :
परंतु, न्यायालयाच्या निकालपत्रात तद्विरुद्ध नमूद करण्यात येतील अशा विशेष व पुरेशा कारणांच्या अभावी अशी कारावासाची शिक्षा तीन महिन्यांपेक्षा कमी असणार नाही व असा द्रव्यदंड पाच हजार रुपयांपेक्षा कमी असणार नाही;
दोन) जर तो अपराध पुर्णत: दारुबंदी असलेल्या क्षेत्रात केलेला असेल तर, अशा प्रत्येक अपराधाबद्दल, तीन वर्षापेक्षा कमी नसेल परंतु, पाच वर्षापर्यंत वाढविता येईल इतक्या मुदतीच्या कारावासाची आणि पंचवीस हजार रुपयांपेक्षा कमी नसेल परंतु, पन्नास हजार रुपयांपर्यंत वाढविता येईल इतक्या रकमेच्या किंवा तिने चुकविलेल्या शुल्काच्या किंवा फीच्या दुप्पटी एवढ्या रकमेच्य, यापैकी जी अधिक असेल तेवढ्या रकमेच्या द्रव्यदंडाची, शिक्षा होईल.
२) (ज्याने आपली जागा कोणत्याही कराराअन्वये भाडेपट्ट्याने दिली आहे अशी कोणत्याही मालकाला, भाडेकरूने त्याच्या ताब्यात असलेल्या जागेत केलेल्या, पोट-कलम (१) खालील अपराधासाठी, जोपर्यंत तो मालक अशा अपराधामध्ये सक्रियपणे गुंतला आहे असे शाबीत होत नाही तोपर्यंत, जबाबदार धरणे जाणार नाही.
--------
२०१९ सुधारणे पुर्वी :
तिला, अपराधसिद्धीनंतर, सहा महिन्यांपर्यंत असू शकेल इतक्या मुदतीच्या कैदीची शिक्षा होईल किंवा (दहा हजार रूपयांपर्यंत) असू शकेल इतक्या दंडाची शिक्षा होईल किंवा या दोन्ही शिक्षा होतील.
परंतु, न्यायालयाच्या निकालपत्रात तद्विरूद्ध नमूद करण्यात येतील अशा विशेष व पुरेशा कारणांच्या अभावी, अशी कैदेची शिक्षा तीन महिन्यांपेक्षा कमी असता कामा नये व असा दंड (पाच हजार रूपयांपेक्षा) कमी असता कामा नये.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.