महाराष्ट्र जमीन महसूल संहिता १९६६
कलम २६१ :
या प्रकरणाची व्याप्ती :
या प्रकरणात, संदर्भानुसार दुसरा अर्त अपेक्षित नसेल तर -
१.(१-क) शहर भू-धारणापध्दती नाहीशी करण्याबाबत अधिनियम म्हणजे मुंबई शहर (इनामी व विशेष भू-धारणा पध्दती) नाहीशी करण्याबाबत अधिनियम म्हणजे मुंबई शहर (इनामी व विशेष भुधरणा पध्दती) नाहीशी करण्याबाबत आणि महाराष्ट्र जमीन महसूल (सुधारणा) अधिनियम, १९६९ (१९६९ चा महा ४४))
क) कोणत्याही जमिनीच्या संबंधात धारक याचा अर्थ अशा जमिनीचा भोगवटा करणारी किंवा अशा जमिनीसाठी खंड देण्यात येत असेल त्याबाबतीत, जी व्यक्ती दुसऱ्या व्यक्तीस खंड देत नसेल अशी, अशा जमिनीबद्दल खंडा मिळणारी कोणतीही व्यक्ती असा आहे.
स्पष्टीकरण- या खंडामधील खंड या संज्ञेमध्ये, जेव्हा कुळवहिवाटीवर एक वर्षापेक्षा कमी मुदतीसाठी अशी जमीन धारण करणाऱ्या व्यक्तीने असे पैसे दिले असतील ते सोडून शासनाला किंवा बृहन्मुंबईच्या महानगर पालिकेला किंवा मुंबई बंदराच्या विश्वस्तांना किंवा फौजदार यांना जमिनीकरिता दिलेल्या पैशाचा समावेश होणार नाही :
२.(क-क) महसुली विभाग म्हणजे राज्य शासनाच्या आदेशाच्या अधीन जिल्हाधिकारी राजपत्रातील आदेशाद्वारे एखाद्या महसुली विभागातील जमिनींच्या आकारणीचा प्रमाणभूत दर ठरविण्याच्या प्रयोजनाकरिता महसुली विभाग म्हणून बनवील असे मुंबई शहारातील स्थानिक क्षेत्र ;)
ख)वरिष्ठ दर्जाचा धारक या शब्द प्रयोगाचा अर्थ, मुंबई शहरातील कोणत्याही जमिनीवर राज्य शासनाच्या नियंत्रणाखाली सर्वाेच्च मालकी हक्क असेली व्यक्ती असा समजावा ;
ग)भू-मापन या संज्ञेमध्ये, सीमेच्या निशाण्या ठरवणे व भू-मापनाचे पूर्वी घडलेली किंवा भू-मापनाच्या संबंधातील असलेली इतर सर्व कामे यांचा समावेश होईल ;
घ)भू-मापन समितीची चिन्हे या शब्दप्रयोगाचा अर्थ यात यापुढे वर्णन केल्याप्रमाणे मुंबई शहराच्या भू-मापनाचे काम केलेल्या अधिकाऱ्याने मुख्यत्त्वे लावलेली कोणतीही लोखंडाची किंवा इतर चिन्हे असा समजावा आणि यात, या प्रकरणाच्या तरतुदींनुसार जिल्हाधिकाऱ्याने किंवा त्याच्या आदेशान्वये त्यानंतर लावण्यात येईल अशा कोणत्याही नवीन चिन्हांचा समावेश होईल ;
२.(ड) या प्रकरणात वापरण्यात आलेल्या परंतु व्याख्या न केलेल्या शब्दांचे व शब्दप्रयोगांचे अर्थ, शहर भू-धारणापध्दती नाहीशी करण्याबाबत अधिनियमात त्या त्या शब्दांना व शब्दप्रयोगांना जे अर्थ दिले आहेत तेच असतील.
-------------
१.सन १९६९ चा महाराष्ट्र अधिनियम क्रमांक ४४ याचे कलम २०, दुसरी अनुसूची अन्वये खंड (१-क) समाविष्ट करण्यात आला.
२.सन १९६९ चा महाराष्ट्र अधिनियम क्रमांक ४४ याचे कलम २० दुसरी अनुसूची अन्वये (क-क) हा खंड समाविष्ट करण्यात आला व (ड) हा खंड जादा दाखल करण्यात आला.
#MaharashtraLandRevenueCode1966Marathi #महाराष्ट्रजमीनमहसूलसंहिता१९६६कलम२६१
#MLRCAct1966Marathisection261 #section261MLRCAct1966Marathi
INSTALL IOS / Iphone App
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.