महाराष्ट्र जमीन महसूल संहिता १९६६
कलम २९१ :
कसूर केल्यावर जिल्हाधिकारी किंवा सहाय्यक यास प्रवेश करता येईल व चिन्हांचे नवीकरण करता येईल किंवा ती दुरूस्त करता येतील. चिन्हांचे नवीकरण करण्याचा किंवा ती दुरूस्त करण्याचा आकार :
जर उक्त भूमापनाच्या सीमा चिन्हांचे उक्त मुदतीत जिल्हाधिकाऱ्यांचे समाधान होईल अशा रीतीने नवीकरण करण्यात किंवा ती दुरूस्त करण्यात आली नाही तर, जिल्हाधिकाऱ्याने किंवा त्याच्या सहाय्यकांपैकी किंवा हाताखालच्या व्यक्तींपैकी, कोणत्याही सहाय्यकाने किंवा हाताखालच्या व्यक्तीने किंवा यात यापूर्वी उल्लेख केल्याप्रमाणे योग्यरितीने प्राधिकृत केलेल्या इतर व्यक्तीने, उक्त चिन्ह ज्या जमिनीसंबंधात असेल अशा कोणत्याही जमिनीवर प्रवेश करणे व तिचे नवीकरण करणे किंवा ती दुरूस्त करणे हे कायदेशीर असेल; आणि अशा रितीने नवीकरण केलेल्या किंवा दुरूस्त केलेल्या प्रत्येक चिन्हांसाठी, जिल्हाधिकाऱ्याने ज्याच्या जमिनीची सीमा अशा कोणत्याही चिन्हाने निर्दिष्ट करण्यात आली असेल अशा प्रत्येक वरिष्ठ धारकावर किंवा जमिन ताब्यात असणाऱ्या व्यक्तींवर १.(त्यांस योग्य वाटेल अशी एकूण दहा रूपयांहून किंवा विहित करण्यात येईल अशा रकमेहून अधिक नसेल इतकी रक्कम, यांपैकी जी रक्कम अधिक असेल त्या रकमेएवढी) रक्कम आकारणे हे कायदेशीर असेल.
---------
१. सन २०१७ चा महाराष्ट्र अधिनियम क्रमांक २१ याच्या कलम २१ द्वारा एकूण दहा रूपयांहून अधिक नसेल अशी त्यास योग्य वाटेल एवढी या मजकुराऐवजी समाविष्ट करण्यात आले.
#MaharashtraLandRevenueCode1966Marathi #महाराष्ट्रजमीनमहसूलसंहिता१९६६कलम२९१
#MLRCAct1966Marathisection291 #section291MLRCAct1966Marathi
INSTALL IOS / Iphone App
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.