महाराष्ट्र जमीन महसूल संहिता १९६६
कलम ३३७ :
संदर्भाचा अन्वयार्थ लावणे :
१)राज्याच्या विदर्भ प्रदेशात अमलात असलेल्या कोणत्याही कायद्यातील :-
क)(एक)मालिक मकबुजा;
(दोन) रयत मालिक ;
(तीन) पूर्ण वहिवाटदार कूळ ;
(चार) भोगवटादार ;
(पाच) दुमालापूर्व कूळ ;
(सहा) पुरातन कूळ ;
(सात)भूमिस्वामी ;
यांच्या संबंधातील संदर्भ हे भगवटादार वर्ग-एक संबंधीचे संदर्भ म्हणून समजण्यात येतील; आणि
ख)(एक) वहिवाटदार कूळ ;
(दोन)रयत ;
(तीन) कूळ;
(चार) कायम कूळ ;
(पाच) भूमिधारी ;
यांच्या संबंधातील संदर्भ हे भगवटादार वर्ग -दोन संबंधीचे संदर्भ समजण्यात येतील.
२)कोणताही कायदा किंवा कोणताही लेख किंवा इतर कागदपत्र यातील मामलतदार, महालकरी, पटवारी, पटवारी मंडल या शब्दाप्रयोगांबाबतचा कोणताही उल्लख हा, निराळा हेतू असल्याचे दिसून येईल ते खेरीज करून, तहसीलदार, नायब तहसीलदार, तलाठी आणि साझा या तत्सम शब्दप्रयोगांसंबंधीचा उल्लेख असल्याप्रमाणे त्याचा अन्वयार्थ लावण्यात येईल ; आणि कोणतेही न्यायालय, न्यायाधिकरण किंवा प्राधिकारी याच्यापुढे या अधिनियमाच्या सुरूवातीस अनिर्णित असलेल्या ज्या कोणत्याही दाव्यात किंवा इतर कायदेशीर कार्यवाहीत प्रथम उल्लेखिलेल्या प्राधिकाऱ्यापैकी कोणताही प्राधिकारी पक्षकार असेल, त्या सर्व दाव्यांत किंवा कायदेशीर कार्यवाहीत, उपरोक्त प्राधिकाऱ्याबद्दल तत्सम प्राधिकारी दाखल करण्यात आल्याचे मानण्यात येईल.
#MaharashtraLandRevenueCode1966Marathi #महाराष्ट्रजमीनमहसूलसंहिता१९६६कलम३३७
#MLRCAct1966Marathisection337 #section337MLRCAct1966Marathi
INSTALL IOS / Iphone App
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.