रेल्वे अधिनियम, १९८९
प्रकरण १५ :
शास्ती व अपराध :
कलम १३७ :
कपटाच्या उद्देशाने प्रवास करणे किंवा योग्य पासाविना वा तिकिटाविना प्रवास करण्याचा प्रयत्न करणे :
१) जर एखादी व्यक्ती रेल्वे प्रशासनाला फसवण्याच्या उद्देशाने, -
क) कलम ५५ चे उल्लंघन करुन कोणत्याही डब्यात प्रवेश करील किंवा त्यात राहील, किंवा
ख) आधीच्या प्रवासासाठी वापरण्यात आलेला एखादा एकेरी पास किंवा एकेरी तिकीट किंवा परतीच्या तिकियाच्या बाबतीत ज्यांचा अर्धा भाग अशा प्रकारे अगोदरच वापरण्यात आला आहे असे तिकीट वापरील किंवा वापरण्याचा प्रयत्न करील तर,
त्या व्यक्तीला सहा महिन्यांपर्यंत असू शकेल इतक्या मुदतीच्या कारावासाची किंवा एक हजार रुपयांपर्यंत असू शकेल इतक्या द्रव्यदंडाची किंवा दोन्ही शिक्षा देण्यात येतील :
परतुं एतद्विरुद्ध न्यायालयाच्या न्यायनिर्णयात उल्लेख करावायाच्या विशेष व पुरेश कारणांच्या अभावी अशी शिक्षा किमान पाचशे रुपयांच्या द्रव्यदंडापेक्षा कमी असणार नाही.
२) पोटकलम (१) मध्ये उल्लेखिलेली व्यक्ती ही तिने अंतराचा प्रवास केला असेल त्यासाठी सामान्य ऐकरी भाड्याखेरीज, पोटकलम (३) मध्ये उल्लेखिलेला जादा आकार किंवा जेथून तिचा प्रवास सुरु झाला तय स्थानकांसंबंधात कोणतीही शंका असल्यास, गाडी मुळात ज्या स्थानकापासून सुरु झाली असेल तेथपासूनचे सामान्य एकेरी भाडे किंवा गाडीतून प्रवास करणाऱ्या प्रवाशांची तिकीटे गाडी मुळात सुरु होते त्या ठिकाणापासून तपासली असल्यास अशा तèहेने जेथे तिकीटे तपासली असतील त्या ठिकाणापासूनचे सामन्य एकेरी भाडे किंवा त्यांची एकाहून अधिक वेळा तपासणी झाली असल्यास, जेथे शवटची तपासणी झाली असेल त्या ठिकाणापासूनचे सामान्य एकेरी भाडे देण्यासही दायी असेल.
३) पोटकलम (२) मध्ये उल्लेखिलेला जादा आकार त्या पोटकलमात उल्लेखिलेले सामान्य, ऐकरी भाडे किंवा पन्नास रुपये यांपैकी जे अधिक असेल तितक्या रकमेइतके असेल.
४) भारतीय दंड संहितच्या (१८६० चा ४५) कलम ६५ मध्ये काहीही अंतर्भूत असले तरीही, गुन्हेगाराला सिद्धदोष ठरविणारे न्यायालय असे निर्देशित करु शकेल की, न्यायालयाने बसविलेला द्रव्यदंड भरण्यात कसूर करणाऱ्या व्यक्तीला सहा महिन्यांपर्यंत असू शकेल अशा मुदतीचा कारावास भोगावा लागेल.
#Railway #Act 1989 #Marathi Section 137
Section 137 Railway Act 1989 in Marathi.
INSTALL Android APP
For Full Access Purchase Paid MemberShip : Price -150 / Yearly.
संपूर्ण अॅक्सेस साठी पेड मेंबर व्हा.
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.