bp act कलम १३९ : अनुज्ञप्ती वगैरे यांच्या बाबतीत राज्य शासनाचे..
महाराष्ट्र (मुंबई)दारूबंदी अधिनियम १९४९
प्रकरण ११ :
संकीर्ण :
कलम १३९
अनुज्ञप्ती वगैरे यांच्या बाबतीत राज्य शासनाचे सर्वसाधारण अधिकार :
१) हा अधिनियम किंवा तदन्वये केलेले नियम यात काहीही आले तरी राज्य शासनास सर्वसाधारण किंवा विशेष आदेशाद्वारे पुढील गोष्टी करता येतील;
अ) संबंध राज्यात किंवा कोणत्याही क्षेत्रात कोणत्याही प्रकारची अनुज्ञप्ती, परवाने, पास किंवा प्राधिकारपत्रे देण्यास मनाई करणे.
ब) संबंध राज्यात किंवा कोणत्याही स्थानिक क्षेत्राच्या हद्दीत ते घालून देईल त्या शर्तीस अधीन ठेवून अनुज्ञप्ती, परवाना, पास किंवा प्राधिकारपत्र याअन्वये किंवा त्यावाचून कोणतेही मादक द्रव्य, भांग, मोहाची फुले किंवा काकवी किंवा मादक द्रव्ये तयार करण्यासाठी जी वापरता येण्याचा संभव आहे असा कोणताही पदार्थ यांच्या आयातीचे, निर्यातीचे, परिवहनाचे, ते जवळ बाळगण्याचे, विकण्याचे, खरेदी करण्याचे, सेवन करण्याचे किंवा वापरण्याचे नियमन करणे.
क) ते घालून येईल ह्या शर्तीस अधीन ठेवून कोणत्याही व्यक्तीस किंवा संस्थेस किंवा कोणत्याही वर्गातील व्यक्तीस किंवा संस्थांना या अधिनियमाच्या सर्व किंवा कोणत्याही तरतुदी अथवा तदन्वये केलेले सर्व किंवा कोणतेही नियम, विनियम किंवा दिलेले सर्व किंवा कोणतेही आदेश किंवा तदन्वये देण्यात आलेले अनुज्ञप्ती, परवाना, पास किंवा प्राधिकारपत्र यांतील सर्व किंवा कोणत्याही शर्ती पाळण्यापासून सूट देणे.
ड) ते घालून देईल त्या शर्तीस ठेवून या अधिनियमाच्या सर्व किंवा कोणत्याही तरतुदीपासून किंवा तदन्वये केलेले सर्व किंवा कोणतेही नियम, विनियम किंवा दिलेले सर्व किंवा कोणतेही आदेश यांतून कोणतेही मादक द्रव्य किंा मादकद्रव्याचा वर्ग विप्रकृत मद्यसारयुक्त सिद्धपदार्थ, भांग, मोहाची फुले किंवा काकवी याना सूट देणे.
ड-१) ते घालून देईल त्या शर्तीस अधीन ठेवून या अधिनियमान्वये देण्यात आलेला कोणताही विशेषाधिकार, अनुज्ञप्ती, परवाना, पास किंवा प्राधिकारपत्र यांच्या बाबतीतील फी किंवा ताडी देणारी झाडे यांवरील कोणतेही शुल्क किंवा कोणत्याही व्यक्तीने, संस्थेने किंवा व्यक्तींच्या किंवा संस्थांच्या वर्गाने कोणताही मादक पदार्थ, भांग, मोहाची फुले किंवा काकवी यांवरील या अधिनियमान्वये द्यावयाचे कोणतेही उत्पादन शुल्क किंवा प्रतिशुल्क किंवा फी माफ करणे किंवा परत करणे किंवा असे शुल्क किंवा द्यावयाची फी, यातून कोणतीही व्यक्ती किंवा कोणतीही संस्था किंवा कोणत्याही व्यक्तींचा किंवा संस्थांचा वर्ग यांस अशंत: किंवा पूर्णपणे सूट देणे.
इ) कोणत्याही क्षेत्रात किंवा कोणत्याही वर्गातील व्यक्तीस द्यावयाच्या कोणत्याही प्रकारच्या अनुज्ञप्तीची, परवान्याची, पासाची किंवा प्राधिकारपत्रांची कमाल संख्या विहित करणे.
फ) कोणत्याही क्षेत्रात अशा आदेशात विनिर्दिष्ट करण्यात आलेले कोणतेही मादक द्रव्य, विप्रकृत मद्यसारयुक्त सिद्धपदार्थ, भागं, मोहाची फुले अगर काकवी ज्या जागी विकता येईल त्या जागांची संख्या, कोणत्याही क्षेत्रात अशा जागांचे ठिकाण ज्या दिवशी व ज्या वेळांच्या दरम्यान अशा जागा उघड्या ठेवता येतील किंवा उघड्या ठेवता येणार नाहीत ते दिवस व त्या वेळा, ज्या जागांच्या संबंधात विक्रीसाठी अनुज्ञप्ती देता येईल त्या जागांची संख्या आणि राज्य शासनाच्या विभागाकडून ज्या जागांची व्यवस्था ठेवली पाहिजे त्या जागांची संख्या ही विहित करणे.
ग) अशा आदेशात विनिर्दिष्ट केलेल्या प्रकारचे कोणतेहीअनुज्ञप्ती, परवाना, पास किंवा प्राधिकारपत्र राज्य शासनाच्या पूर्व मंजुरीवाचून देण्यात येऊ नये असा निदेश देणे अथवा असे अनुज्ञप्ती, परवाना, पास किंवा प्राधिकारपत्र या अधिनियमाच्या ज्या कोणत्याही इतर तरतुदींअन्वये देता येईल त्या तरतुदींत किंवा ज्या शर्तीस अधीन ठेवून असे अनुज्ञप्ती, परवाना, पास किंवा अधिकारपत्र देता येईल त्या शर्तीमध्ये कोणताही जादा मजकूर दाखल करण्याविषयी किंवा कोणताही फेरफार करण्याविषयी निदेश देणे.
ह) कोणत्याही क्षेत्रात किंवा कोणत्याही जागी कोणतेही मादक द्रव्य, विप्रकृत मद्यसारयुक्त सिद्धपदार्थ, भागं, मोहाची फुले किंवा काकवी जास्तीत जास्त किती विकता येईल ते कमाल परिमाण विहित करणे.
आय) जी छेदण्यासाठी किंवा ज्यापासून ताडी काढण्यासाठी अनुज्ञप्ती देता येतील अशा ताडी देणाऱ्या झाडांची कमाल संख्या, कोणत्याही जागेच्या किंवा क्षेत्राच्या संबंधात विहित करणे.
ज) या अधिनियमान्वये कोणतेही मादक द्रव्य, विप्रकृत मद्यसारयुक्त सिद्धपदार्थ, भांग, मोहाची फुले किंवा काकवी विकण्यासाठी प्राधिकृत केलेले कोणतेही दुकान किंवा कोणतीही दुकाने यांचा विनियोग करण्यासाठी अनुसरावयाची व अनुज्ञप्ती देण्यापूर्वी अनुसरावयाची कार्यपद्धती विहित करणे.
के) अनुज्ञप्ती देण्यापूर्वी लिलाव करण्यात यावेत, निविदा मागविण्यात याव्यात किंवा देऊ केलेल्या किमतीचा विचार करण्यात यावा आणि ज्या व्यक्तीच्या लिलावातील किंमती, मूल्य, निवेदने किंवा देऊ केलेल्या रकमा विहित करण्यात येतील त्या शर्तीस अधीन राहून जिल्हाधिकाऱ्यांकडून स्वीकारण्यात येतील त्यास अनुज्ञप्ती देण्यात यावीत असा निदेश देणे.
ल) ज्या व्यक्तीस किंवा ज्या वर्गातील व्यक्तीस अनुज्ञप्ती देण्यात यावी किंवा देण्यात येऊ नयेत त्या व्यक्ती किंवा तो वर्ग विनिर्दिष्ट करणे आणि ज्या बाबतीत लिलाव करण्यात येईल त्या बाबतीत लिलावाच्या वेळी ज्या व्यक्तीस किंवा वर्गातील व्यक्तीस लिलावात किंमत बोलण्याची परवानगी देण्यात यावी किंवा देण्यात येऊ नये त्या व्यक्ती किंवा वर्ग विनिर्दिष्ट करणे.
म) अशा आदेशात विनिर्दिष्ट केलेल्या प्रकारची अनुज्ञप्ती त्या आदेशात विनिर्दिष्ट केलेल्या व्यक्तीस यावीत असा निदेश देणे आणि
न) राज्य शासनास योग्य वाटेल त्याप्रमाणे ह्या अधिनियम अन्वये अनुज्ञप्ती, परवाने, पास किंवा प्राधिकारपत्रे देण्यासंबंदीच्या कोणत्याही गोष्टींबाबत किंवा त्याच्याशी अन्य प्रकारे संबंध असलेल्या कोणत्याही गोष्टींबाबत असे इतर अनुदेश देणे.
२) पोट-कलम (१) अन्वयेचा आदेश सामान्य स्वरूपाचा असेल किंवा त्यामुळे व्यक्तींच्या वर्गास बाध येत असल्यास तो शासकीय राजपत्रात अधिसूचित करण्यात आला पाहिजे.
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.
No feedback yet
Form is loading...