महाराष्ट्र (मुंबई)दारूबंदी अधिनियम १९४९
कलम ९५
त्रासदायक रीतीने झडती घेणे किंवा अटक करणे याबद्दल शिक्षा :
या अधिनियमान्वये अधिकार चालविणारा कोणताही अधिकारी किंवा व्यक्ती :
अ) कोणत्याही इमारतीत किंवा घरात किंवा तत्सम राहण्याच्या जागेत दुर्भावपूर्वक प्रवेश करील किंवा करवील किंवा तिची झडती घेईल किंवा घेववील; अथवा
ब) ह्या अधिनियमान्वये जप्त करण्यास पात्र असलेली कोणतीही वस्तू जप्त करण्याच्या सबबीवर किंवा अशा वस्तूसाठी झडती घेण्याच्या सबबीवर कोणत्याही व्यक्तीची मालमत्ता त्रासदायक रीतीने व निष्कारण जप्त करील; अथवा
क) कोणत्याही व्यक्तीस त्रासदायक रीतीने व निष्कारण अटकवून ठेवील तिची झडती घेईल किंवा तिला अटक करील; अथवा
ड) इतर कोणत्याही रीतीने आपल्या कायदेशीर अधिकारांचे दुर्भावपूर्वक अतिक्रमण करून वर्तन करील किंवा आपल्या कायदेशीर अधिकारांचा दुरूपयोग करील;
तिला अपराध सिद्धीनंतर, एक वर्षापर्यंत असू शकेल इतक्या मुदतीच्या कैदेची शिक्षा होईल किंवा (दहा हजार रूपयांपर्यंत) असू शकेल इतक्या दंडाची शिक्षा होईल किंवा या दोन्ही शिक्षा होतील.
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.