महाराष्ट्र जमीन महसूल संहिता १९६६
कार्यपध्दती :
कलम ३०२ :
समन्स वगैरेना कायदा लागू करणे :
१)समन्स व कमिशन काढण्यासंबंधी आणि जिल्हा न्यायालयातील दाव्यात साक्षीदारांना हजर राहण्यास भाग पाडण्यासंबंधी व त्यांना परिश्रमिक देण्यासंबंधी, त्या त्या वेळी अमलात असलेल्या दिवाणी प्रक्रिया संहिता, १९०८ (१९०८ जर ५) च्या तरतुदी ह्या या प्रकरणाच्या तरतुदींन्वये जिल्हाधिकाऱ्याकडे हजर राहण्यासाठी समन्स काढून बोलाविलेल्या सर्व व्यक्तींना लागू असतील.
२)या प्रकरणान्वये देणे आवश्यक असलेली जी कोणतीही नोटीस देण्याचा जिल्हाधिकाऱ्यास किंवा त्याच्या हाताखालील कोणत्याही अधिकाऱ्यास अधिकार असेल ती नोटीस, -
क)कोणत्याही व्यक्तीच्या नावे पाठविली असेल आणि -
(एक) अशा व्यक्तीच्या स्वाधीन केली असेल; तर किंवा
(दोन) तिच्या राहण्याच्या ठिकाणी आणि तिच्या गैरहजेरीत , तिच्या कुटुंबातील कोणत्याही प्रौढ व्यक्तीच्या किंवा नोकराच्या स्वाधीन केली असेल तर; किंवा
(तीन) पाकिटात घालून आणि भारतीय डाकघर अधिनियम, १८१८ याच्या प्रकरण ६ अन्वये डाकनोंदणी करून, त्याच्या शेवटच्या माहीत असलेल्या राहण्याच्या ठिकाणाचा किंवा धंद्याच्या ठिकाणाचा पत्ता लिहून पाठविली असेल तर; किंवा
(ख) अशी नोटीस कोणत्या व्यक्तीस पाठवावी याबद्दल किंवा अशी नोटीस ज्या कोणत्याही व्यक्तीवर बजावावयाची इच्छा असेल तिच्या राहण्याच्या ठिकाणाबद्दल, पत्याबद्दल किंवा धंद्याच्या ठिकाणाबद्दल जिल्हाधिकाऱ्याला शंका असेल, आणि
(एक) ती ज्या जमिनीसंबंधी असेल त्या जमिनीवरील किंवा तिच्याजवळील एखाद्या ठळक जागी लावण्याची व्यवस्था केली असेल तर; आणि
(दोन) ती, राजपत्रात किंवा त्यास योग्य वाटेल अशा स्थानिक वृत्तपत्रात प्रसिध्द केली असेल किंवा किंवा जागेजवळ दवंडी पिटवून जाहीर करण्यात आली असेल तर अशी नोटीस पुरेशा रीतीने बजावण्यात आली आहे असे मानले जाईल.
#MaharashtraLandRevenueCode1966Marathi #महाराष्ट्रजमीनमहसूलसंहिता१९६६कलम३०२
#MLRCAct1966Marathisection302 #section302MLRCAct1966Marathi
INSTALL IOS / Iphone App
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.