महाराष्ट्र जमीन महसूल संहिता १९६६
घरभाडे, फी, शास्ती वगैरे बसविणे :
कलम ३०३ :
येणे असलेल्या रकमा महसुलाबाबतच्या मागण्या म्हणून वसूल करण्यायोग्य असणे :
१)शासनाची मालमत्ता असलेल्या कोणत्याही घराच्या भोगवटयासंबंधाने कोणत्याही व्यक्तीने देणे असलेले सर्व भाडे आणि या प्रकरणान्वये आकारता येईल अशी सर्व फी व दंडांच्या आणि शास्तीबद्दलच्या रकमा, आणि कोणत्याही जमिनीच्या किंमतीबद्दल किंवा भू-मापनाच्या सीमाचिन्हांत फेरबदल केल्याबद्दल, त्या काढून टाकल्याबद्दल, त्यांचे नवीकरण केल्याबद्दल किंवा त्यांची दुरूस्ती केल्याबद्दल किंवा अतिक्रमण बंद केल्याबद्दल किंवा ते काढून टाकल्याबद्दल या प्रकरणाच्या तरतुदींन्वये वसूल करावायाच्या सर्व रकमा, या प्रकरणाची कलमे २६७ व २६९ च्या तरतुदींन्वये महसुली मागण्या ज्या रीतीने वसूल करता येतात त्याच रीतीने वसूल करण्यात येतील.
२)कोणत्याही अधिनियमान्वये किंवा विनियमान्वये किंवा त्या अन्वयेच्या कोणत्याही नियमांन्वये किंवा राज्य शासनाशी केलेल्या कोणत्याही करारान्वये, किंवा संविदेअन्वये आकारणी म्हणून किंवा महसुलाची मागणी म्हणून किंवा जमीन महसुलाची थकबाकी म्हणून वसूल करता येतील अशा जाहीर केलेल्या इतर सर्व रकमासुध्दा, या प्रकरणाची कलमे २६७ व २६९ च्या तरतुदींन्वये महसुलाची मागणी ज्या रीतीने वसूल करण्यात येत त्याच रीतीन वसूल करण्यात येतील.
३)या प्रकरणाच्या तरतुदींपैकी कोणत्याही तरतुदींन्वये देण्याजोगी कोणतीही रक्कम देण्याबद्दल किंवा उपरिनिर्दिष्ट कोणत्याही कराराबद्दल जामीन राहिल्या असतील अशा सर्व व्यक्ती, त्यांच्या जामीनपत्राच्या अटीअन्वये जी रक्कम किंवा तिचा जो कोणताही भाग देण्यास त्या पात्र असतील ती रक्कम किंवा असा कोणताही भाग देण्यात कसूर करतील तर, अशा व्यक्ती महसूल देण्यात कसूर करणाऱ्या म्हणून कलमे २६७ व २६९ च्या तरतुदींन्वये, कार्यवाही केली जाण्यास पात्र असतील आणि कलमे २६७ व २६९ च्या तरतुदी शक्य असेल तेथवर, अशा व्यक्तींना लागू होतील.
#MaharashtraLandRevenueCode1966Marathi #महाराष्ट्रजमीनमहसूलसंहिता१९६६कलम३०३
#MLRCAct1966Marathisection303 #section303MLRCAct1966Marathi
INSTALL IOS / Iphone App
INSTALL Android APP
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.