रेल्वे अधिनियम, १९८९
कलम १३२ :
कामाच्या तासाची मर्यादा :
१) ज्याची नोकरी आवश्यकरीत्या खंडित आहे अशा रेल्वे कर्मचाऱ्याला कोणत्याही आठवड्यात पंच्याहत्तर तासांपेक्षा अधिक काळ काम करावे लागणार नाही.
२) ज्याची नोकरी अखंडित आहे अशा रेल्वे कर्मचाऱ्याला चौदा दिवसांच्या दोन आठवड्यांच्या कालावधीत आठवड्याला सरासरी चोपन्न तासांपेक्षा अधिक तास काम करावे लागणार नाही.
३) ज्यांची नोकरी कष्पप्रद आहे अशा रेल्वे कर्मचाऱ्याला चौदा दिवसांच्या दोन आठवड्यांच्या कालावधीत आठवड्याला सरासरी पंचेचाळीस तासांपेक्षा अधिक तास काम करावे लागणार नाही.
४) विहित करण्यात येतील अशा नियमांच्या अधीनतेने, रेल्वे गाडी सामान्यपणे चालविली जात असताना, त्यामध्ये येणारा गंभीर व्यत्यय टाळण्यासाठी किंवा प्रत्यक्ष किंवा आशंकित अपघाताच्या प्रकरणी किंवा रेल्वे किंवा रुळयान यांवर तातडीने काम करणे आवश्यक असेल अशा वेळी किंवा जीची पूर्वकल्पना करणे शक्य नव्हते किवा जिला प्रतिबंध करणे शक्य नव्हते, अशा कोणत्याही आणीबाणीत किंवा कामाचा अपवादात्मक ताण असेल अशा इतर प्रकरणी, रेल्वे कर्मचाऱ्यांना, पोटकलम (१) किंवा पोटकलम (२) किंवा पोटकलम (३) च्या उपबंधांपासून, तात्पुरती सूट देणे आवश्यक आहे असे विहित प्राधिकाऱ्याचे मत असेल तर, विहित प्राधिकारी रेल्वे कर्मचाऱ्यांना पोटकलम (१) किंवा पोटकलम (२) किंवा पोटकलम (३) च्या उपबंधातून तात्पुरती सूट देऊ शकेल :
परंतु असे की, अशी सूट देण्यामुळे कोणत्याही पोटकलमा मध्ये निर्दिष्ट केलेल्या रेल्वे कर्मचाऱ्याच्या रोजगाराच्या तासांमध्ये वाढ होत असेलतर, कामाच्या जादा तासांसाठी त्याला त्याच्या नेहमीच्या दराच्या कमीत कमी दुप्पट इतक्या दराने अतिकालिक भत्ता प्रदान करण्यात येईल.
#Railway #Act 1989 #Marathi Section 132
Section 132 Railway Act 1989 in Marathi.
INSTALL Android APP
For Full Access Purchase Paid MemberShip : Price -150 / Yearly.
संपूर्ण अॅक्सेस साठी पेड मेंबर व्हा.
*टिप :या वेबसाईट वरील कंटेंट किंवा माहिती ही केवळ शिक्षण किंवा ऐज्यूकेशनल वापरासाठी आहे, तरी याचा कुठेही कायदेशीर कारवाई करीता वापर करु नये तसेच या मध्ये काही चुका आढळल्यास त्यासाठी प्रकाशक किंवा वेबसाईट चे मालक जबाबदार असणार नाहीत, चुका निदर्शनास आणून दिल्यास सुधारण्याचा प्रयत्न केला जाईल.